Plantun de Prouvènço

Pèr coumpara dos planto d'encò nostre

Vaccaria hispanica & Brachythecium rutabulum

Vaccaria hispanica

Caryophyllaceae

Noms en français : Vachère, Saponaire des vaches.

Descripcioun :
Lou cauril-sauvage trachis dins li meissoun e lis ermas. Ié dison qu'es uno arqueoufito que nous vèn d'Anatolìo desempièi de siècle emé li gran de blad. Emé la criblo se vèi de mens en mens aleva en Auto Prouvènço. Se recounèis eisadamen à si flour roso pourtado pèr de long pecou e à si fueio verdalo e en lanço.

Usanço :
Es esta cultiva en mescladisso emé lou blad e la luserno pèr li vaco, que parèis qu'èi bono pèr ié faire veni lou la. Aquesto prouprieta se retrovo encò de la femo e toco tout ço qu'es en raport emé la femenita (enmenagogo, enflamacioun di teté, analgesico). Tout acò èi bessai de vèire emé la formo de la flour (principe di signaturo). Se dis peréu qu'èi vertuouso pèr la circulacioun dóu sang.

Port : Erbo
Taio : 10 à 60 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Vaccaria
Famiho : Caryophyllaceae

Coulour de la flour : Roso
Petalo : 5
Ø (o loungour) flour : 1 à 1,5 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Jun à juliet

Liò : Meissoun - Champ - Ermas
Estànci : Termoumediterran à Mountagnard
Couroulougi : Subrecousmoupoulito
Ref. sc. : Vaccaria hispanica (Mill.) Rauschert, 1965

Boursèu-courtet-tiro-braso

Brachythecium rutabulum

Brachytheciaceae

Nom en français : Buissonnette commune.

Descripcioun :
Aquelo mousso pluroucarpo coumuno fai de tepo estendudo pulèu plato emé de rebat jauno qu'esbrihoun. Li tijo que podon faire pu de 10 cm soun iregulieramen ramado. Se recounèis à sa fueio un pòu rufo e plegado qu'a uno costo pu longo que la mita de sa loungour e emé uno baso en couor alor que lou bout èi pounchu e denta. Li celulo dis alo soun en reitangle.

Usanço :
Se pòu engana emé d'àutri mousso pluroucarpo di fueio larjo. Brachythecium rivulare a d'auriho en triangle amé de celulo pu diferençado.

Port : Pluroucarpo
Taio : 10 à 15 cm
Fueio : 2,5 à 3 mm
Tipe bioulougico :
Cicle bioulougico : Planto renadivo

Gènre : Brachythecium
Famiho : Brachytheciaceae

Ordre : Hypnales

Coulour de la flour :
Petalo : 1,5 à 2,5 cm
Ø (o loungour) flour : Coumplet
Flourido : Autouno - Ivèr

Sòu : Ca (Si)
Autour basso e auto : 10 à 2000 m
Aparado : Noun
Óutobre à febrié

Liò : Sòu - Roco - Paret
Estànci : Mesoumediterran à Subaupen
Couroulougi : Oulartico
Ref. sc. : Brachythecium rutabulum (Hedw.) Schimp., 1853

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Vaccaria hispanica & Brachythecium rutabulum

ges

Coumpara Cauril-sauvage emé uno autro planto

Coumpara Boursèu-courtet-tiro-braso emé uno autro planto